من طرف السلام عليكم ورحمة الله وبركاته
احب ان اقدم لكم الفنان الشاب المبدع الواثق كمال
في حوار لا يخلو من الصراحة والوضوح والشفافية
صادق ، شفاف ، معطاء ، كريم ، يحب الخير لكل من حوله، يمد يد المساعدة والعون دون شروط ومكاسب أو مقابل . له شعبية كبيرة في الوسط الفني وخارجه ،
فهو فنان قدم للفن الكثير ولكنه حتى الأن لم يأخذ حقه فنياً .
لن أطيل عليكم ودعونا نتذكر ما دار في حديثنا ولقائنا مع النجم الواثق كمال
- نتعرف إلى بطاقتك الشخصية والفنية.؟
ج- الواثق كمال ابراهيم حسن
مواليد الخرطوم 19
اخ وسط سته اخوان واخوات
البدايه عازف اورج ومن ثم فنان الجديه في الغناء والتسجيل 2008
- مَنْ حبّب إليك الغناء والموسيقا، ودفعك إليهما ؟
ج- العملاق الراحل العاقب محمد الحسن والعميد احمدالمصطفي والرجل العظييييم كمال ترباس
-ما رأيك بمستوى الأغنية السودانية؟ وما أهم الأسماء التي ساهمت فيها وطورتها ؟
ج-الاغنيه السودانيه بالف الف خير والدليل تناول العرب ليها في الخارج ولاكن ماساتنا الحقيقيه اعلامنا ميييييت حد الموت رغم كثرة المساحات الا والضغوط كتيرة
....
- أغرقتنا الساحة الفنية بطوفان الأغاني الهابطة لاتهتم بجودة الأغنية ورقيها، هذا لايعني غياب الأصوات الجميلة، لكنها بأسف قليلة ومحاصرة بطوفان الأغاني الهابطة، كيف نواجه ذلك المد الجارف من الأغاني الهابطة حتى نحافظ على أصالة تراثنا الغنائي، ونرتقي بأ غنيتنا المحلية إلى المستوى المطلوب ؟ ام انت من المؤيدين للاغاني الهابطة ؟
ج-الغناء الهابط مصطلح مرفوض تماما لانو اساسا مافي مصطلح علمي اسمو اغنيه هابطة .. ممكن تكون ركيكه او خارجه..
والموجه دي عالميا الان موجودة مش عندنا نحن وبس والسبب فيها الضغوط الاقتصاديه والاجتماعيبيه والثقافات التي اصبحت دخيله علي مجتمعنا العربي وبالتالي اصبحت هنالك كلمات والفاظ نطلق عليها شبابيه ونتناولها في الشارع العام ومافي مايمنع نغنيها نحن وجيلنا مع بعض ونفهم بعض لكن ما منطقي انها تنتشر كدة وحتي عبر وسائل الاعلام للاسف ..
نواجه الحاجه دي بي مساعدة وسائل الاعلام ووزارة الثقافه والقائمين علي امر الفنون عموما باتاحه المنتديات والمساحات الاعلاميه لكل الفنانين الشباب واقامه المهرجانات الثقافيه والمنافسات ولوفرضنا انو الحاجه دي موجودة للاسف في لكن حصريا علي جهات واسماء بعينها وفي كم هااااائل من الفنانين محبطين تماااااااااااااااااما لانهم مالاقين مساحه من المساحات دي عشان يعبرو فيها عن فنونهم وبالتالي يلفتو انظار الناس ليهم بالحاجات الخلع دي القاعدين نسمعا كل يوم دي ......
اللارتقاء بالمستوي المطلوب موجوووووود الان في شباب قدمو اغنيات تنافس الغناء القديم تماما ولاكن ما مدنهم مساحات مناسبه واقرب دليل طه سليمان واغنيه عايز اعيش دي الاشتغل بيها منو في السودان ولا الاداه مساحه منو؟؟؟
والشاب خالد المصري شارك وفاز في البوم نجوم العرب وجا السودان مصيرو كان شنو؟؟؟
احباااااااااااااط وكم هائل من الطناش والاقلام الحقيرة تكثر من النقد الهدام
- ما الشروط التي ترى من الضروري توفرها في المطرب النا جح ؟
ج- المطرب الناجح عليهو التواضع واحترام الكل وخاصه جمهورة ومحبتهم بجد ويكون انسان ملتزم وصااااااادق تماما واكيد اختيارو لاغنياتو حيكون مميز وبي حذر واكيد حيوصل وحتي لو غنا الهابط دة يكون عندو غناهو الكبير البقيمو صح
-ما معيارك للأغنية الناجحة؟
ج-الاغنيه الناجحه اولا لحنا وكلمات وتوزيع واداء لانو اللحن هو البخليك تركز في الكلام والتوزيع الموسيقي هو البهارات والاداء هو السلاااااااح
-ما الآلة الموسيقية التي تجيد العزف عليها، وتستهويك أكثر من سواها؟
ج-اله البيانو تبهجني تماااااااما واعشق الساكس
- ما الألوان الغنائية التي أديتها، ونالت إعجاب الجمهور؟
ج- كم لون منو الكلاسيكي والشعبي والحمد لله نالو الرضا واكيد اطمع في يوم انال اكبر نسبه من رضا الناس الانا منهم وبغني ليهم ولو ما هم ما ممكن ابقي في يوم من الايام...
- ما مشاريعك في المستقبل، وما الجديد الذي ستقدمه إلى جمهورك المتزايد الذي يتطلع إليك؟
ج- في المستقبل اطمح انا وكل ابناء جيلي من المبدعين بحياة ثقافية فنيه في شتي المجالات وان نعبر بالاغنيه السودانيه للمكان الوصلا ليهو الراحلين سيد خليفه واحمد المصطفي وابراهيم عوض .......والمشاريع انشاء الله حنسافر اديس ونصور اغنيتين بحلم بيك كلمات محمد ابو القاسم والحان الموسيقار وحيد صلاح واغنيه رحله عمر كلمات والحان عثمان تاج السر و حتنزل واحدة في العيد و واحدة في رمضان ..
- كلمة اخيرة :
لكم عظيم تحياتي وتقديري لاهتمامكم الجميل بالساحه وما تحتاجه وامكانيه معالجه الاخطاء وهذا ما جهلته الوزارة ..
