من طرف بسم الله الرحمن الرحيم
اليوم نلتقي بضيف وحوار خفيف مع الاعلامي عبدالرحمن حامد
فالبرغم من ان عبدالرحمن حامد مازال اعلامي شاب يخطو الخطوات الاولي ، الا انه استطاع ان يثبت وجوده كوجه اعلامي جديد قادر على الاستمرار ، فقدم شكلا جديدا لبرامج "اليوتيوب ..
وفي محاولة لتقرب من عبدالرحمن ليكشف لنا كواليس وأسرار هذا البرنامج الذي لا يخلو من خفة الظل والاثارة كان معه هذا اللقاء .
***
من هو عبدالرحمن حامد ؟؟ وكيف كانت ضربة البداية لبرنامج في شنو ؟؟
ج/ عبدالرحمن ابراهيم حامد مواليد المملكه العربيه السعوديه الرياض
خريج هندسه نفط جامعه السودان ..
ضربت البدايه اصلا كانت مجرد فكره من الاخ محمد الفاتح انو ليه ما يكون في برنامج سوداني في اليوتيوب و فعلا بدينا نشتغل تقريبا شهر و اول حلقه كان تصوريا 3يوم في عيد الاضحى سنه2011
تتعدد برامج اليوتيوب ولكن ماذا يختلف "في شنو" عن هذه البرامج ؟
/اختلاف في شنو عن البرامج التانيه بحددو المتابع بس في اعتقادي انو افكار الحلقات قريبه من المتلقي و بتحصل في حياتو اليوميه يمكن دا المميز في شنو عن غيرو
الى اين وصلت ببرنامج في شنو من الشهرة سواء لك او للبرنامج ؟
ج/امممممممم الشهره في شنو الحمدلله وصل الى حد ما كنا احنا اصلا متوقعين انو يوصل ليهو صراحه و دا بصراحه بفضل الله اولا و بفضل الشباب و البنات المتابعننا يعني احنا بدينا بدون اي اعلان للبرنامج الحمدلله لقا قبول قووووووي و شرف لينا يتم اختيار برنامج في شنو و يكون عندو فقره خاصه في برنامج صباح العربيه على قناه العربيه الاخباريه اما شهره لي انا والله ما بقول ما عمل لي شهره اكيد عمل لي شهره كويسه و مزعجه في نفس الوقت هههههههههه
ما أصعب حلقة قمت بتسجيلها؟
ج/اصعب حلقه (الحلقه التالته) كنتا تعبان جدا و كان لازم نصور في اليوم دا ..
اي المصادر تستقي معلوماتك؟
ج/معلوماتنا بناخذها من النت غالبآ او بعض الكتب عشان تكون موثقه اكتر و كل القروب بشارك ما انا براي ..
هل تطرح كل ما تحصل عليه من معلومات في برنامجك؟
ج/لالا طبعا مستحيل اطرح كل المعلومات بس بطرح المعلومه اللي ممكن تصل للمتلقي بشكل تخليهو يفهم المقصود و يضحك في نفس الوقت
أصحيح ما يقال انه يجب على الإعلامي ان يكون ذا وجهين؟
ج/مش ذا وجهين بس بتضطر احيانا تكون دبلوماسي شويا اما ذا وجهين دي لالالا صعبه شددديد
هل وجدت مضايقات في بدايتك للتقديم؟
ج/اي وجدتا طبعا مضايقات و كتيره لانو دي فكره جديده طبيعي جدا الاقي مضايقات و انا قصدي جديده علينا في السودان بس الحمدلله الجمهور المتابع هوا نفسو بكون واقف على اي انتقاد او مضايقه ممكن انا اسمعا ف عشان كده من القلب جد تحيه لي كل المتابعين و الفانز لبرنامج في شنو؟
ما هو اجمل موقف حصل لك ف التقديم؟
ج/هههههههههههههههههه اجمل موقف كنا بنصور في حقله راس السنه وفي زول مصر جدا الا اصور معاهو لمن جينا نسوي معاهو المقابله بديت اسألو قال لي انتو ناس منو التلفزيون ولا وين وفعلا ما شلنها من المونتاج .في موقف حلو كمان كان عندنا عروض في حديقه القرشي وفي طفل عذبني قدر ما حاولتا اني ابعدو و اشيلو يمشي و يرجع لي هههههههههه في الاخر والله بدون ما احس في المايك قولتا بالله اهل الشافع دا ممكن يجيو يشيلو و سبحان الله جات بشكل كدا كوميدي ..
ماذا عن عالم الدراما؟
ج/الدراما الله دي الحاجه اللي فعلا انا بحبها جدا .. تم اختياري لفلم قصير سعودي و تم التصوير ولله الحمدلله
اخبار حصرية لمنتدى مزازيك ؟؟
ج/خبر حصري ليكم امممممم تم اختار برنامجنا من قبل قناه الجزيره كافضل برنامج شبابي سوداني ع اليوتيوب و قريبا حتشوفهو في قناه الجزيره ... خبر حصري جدا حجي السودان شهر 4 ان شاءالله و حيكون في عمل جديد في السودان بالاضافه للبرنامج حق في شنو ؟
كلمة اخيرة ؟؟
ج/اول شي بشكركم شددديد على المقابله الظريفه دي و الشكر ليك اخوي وليد وللمنتدى و الاعضاء الفيهو
